IMPORT QILINGAN TURLI SELEKSIYAGA MANSUB GOLSHTIN ZOTLI QORAMOLLAR MAHSULDORLIGINI O‘RGANISHNING AHAMIYATI (SURXONDARYO VILOYATI SHAROITIDA)

Ushbu tadqiqot Surxondaryo viloyatining agroiqlim sharoitida import qilingan turli seleksiya yo‘nalishlariga mansub golshtin zotli qoramollarning mahsuldorlik ko‘rsatkichlarini o‘rganishga bag‘ishlangan. Tadqiqot jarayonida golshtin zotli sigirlarning sut mahsuldorligi, laktatsiya davomiyligi, sutning yog‘ va oqsil miqdori, tirik vazni hamda issiq iqlim sharoitiga moslashuvchanlik darajasi kompleks ravishda tahlil qilindi. Tajribalar ishlab chiqarish sharoitida olib borilib, turli genotiplarning biologik va xo‘jalik foydali belgilaridagi farqlar baholandi. Olingan natijalar golshtin zotli qoramollarning genetik salohiyati yuqori ekanligini, biroq ularning mahsuldorligi parvarish, oziqlantirish va iqlim omillariga bevosita bog‘liqligini ko‘rsatdi. Ayrim seleksiya yo‘nalishlariga mansub golshtin sigirlari yuqori sut berish qobiliyati, sut sifati ko‘rsatkichlarining barqarorligi va issiq iqlim sharoitiga nisbatan yaxshi moslashuvchanligi bilan ajralib turdi. Tadqiqot natijalari asosida Surxondaryo viloyati sharoitida foydalanish uchun eng istiqbolli golshtin zotli qoramollar aniqlanib, ularni chorvachilik xo‘jaliklarida keng joriy etish bo‘yicha amaliy tavsiyalar ishlab chiqildi.