SHART OPERATORLARI

Dastur tuzish mobaynida o’zgaruvchilar qiymatiga qarab u yoki bu natijani qabul qilishga to’g’ri keladi. Bu o’z navbatida dasturni tarmoqlanishiga olib keladi. Tarmoqlarning qaysi qismi bajarilishi ayrim shartlarga qarab aniqlanadi. Shart operatori boshqarishni qaysi tarmoqqa uzatishni ta’minlaydi. Dastur bajarilishining birorta qadamida qandaydir shartni tekshirish natijasiga ko’ra boshqaruvni dasturning u yoki bu bo’lagiga uzatish mumkin. Tarmoqlanishni amalga oshirish uchun shartli operatorlardan foydalaniladi. Ushbu maqolada shart operatorlari va shart operatorlari yordamida dasturlar yozish, tekshirish va tekshiruv natijasiga ko’ra kodning turli qismlarini bajarish haqida so’z boradi.