SIYDIK TOSH KASALLIGIDA TOSHLARNING KIMYOVIY TARKIBIGA KO’RA UCHRASHI VA HOSIL BO’LISH MEXANIZMI

Siydik tosh kasalligi (STK) keng tarqalgan urologik kasalliklardan biri bo'lib, aholining kamida 3 foizida uchraydi. Dunyoning rivojlangan mamlakatlarida 10 million kishidan 400 ming kishi Siydik tosh kasalligidan aziyat chekmoqda. 2022 yilda O’zbekistonda STK bilan kasallanish 100000 aholiga 535,8 holatni tashkil etdi. O’zbekiston mintaqalarining endemikligi nafaqat chastotada, balki hosil bo'lgan siydik toshlari turida ham isbotlangan (masalan, Janubiy mintaqalarda siydik kislotasi birikmalaridan toshlar, Vodiy mintaqasida esa oksalatlar ustunlik qiladi). Bemorlar urologik shifoxonalar kontingentining 30-40 foizini tashkil qiladi. Ko'pgina bemorlarda STK eng mehnatga layoqatli 30-50 yoshda aniqlanadi.