Amir Abdurahmon davrida Afgʻoniston va Rossiya imperiyasining oʻzaro diplomatik aloqalari

Ma’lumki, 1878-yilda tashkil etilgan etilgan Stoletov elchiligi oʻz nohoyasiga yetgach, Afgʻonistondagi siyosiy vaziyatlarda tub burilishlar sodir boʻladi. Bu kabi voqealarning zamirida Buyuk Britaniya bilan boshlangan ikkinchi ingliz-afgʻon urushi yotar edi. Chunki Sheralixon qanchalik urunmasin inglizlar bilan kelisha olmaydi. Buning ustiga esa rus elchilaridan ham koʻzlangan natija bermagach, Afgʻoniston hukmdori ikki imperiya oʻrtasidagi ojiz davlat rahbariga aylanib qolgan edi. Lekin shunday boʻlishiga qaramasdan u faoliyatining oxiriga qadar Afgʻonistondan inglizlarni chiqarib yuborish harakat qilgan edi. Uning oxirgi xalqaro konferensiya chaqirish va ushbu jarayonda Britaniyaning Afgʻonistondagi faoliyatini qoralash orqali ularni mamlakatdan chiqarib yuborish maqsadi ham amalga oshmasdan qoladi[1]. Chunki bu jarayonda Rossiya imperiyasining Markaziy Osiyodagi olib borgan siyosati unga yoʻl bermagan edi.