TIJORAT BANKLARIDA KRЕDIT RISKINI BOSHQARISH

Ushbu ilmiy tezis tijorat banklarida kredit riskini boshqarish jarayonlari va usullarini o'rganishga bag'ishlangan. Kredit riski banklar uchun eng asosiy moliyaviy xavflardan biri bo'lib, qarz oluvchilarning qarz majburiyatlarini to'liq va o'z vaqtida bajara olmasligi natijasida yuzaga keladi. Tezisda tijorat banklari tomonidan kredit riskini kamaytirishning zamonaviy yondashuvlari, riskni boshqarish tizimlarini takomillashtirish va xalqaro tajribalar tahlil qilinadi. Shuningdek, kredit siyosatining samaradorligini oshirishda ilg'or texnologiyalar va statistik metodlarning roli ham ko'rib chiqiladi. Tezisning maqsadi – tijorat banklarining kredit portfelini sifatli boshqarish orqali ularning barqarorligini ta'minlash va bank tizimidagi ishonchlilikni oshirishga qaratilgan tavsiyalar ishlab chiqishdir.