G‘o‘zada ZELLEK AGRO 10,4 % em. k. (“Awiner Agro” MCHJ QK, O‘zbekiston) gerbitsidini bir va ko‘p yillik boshoqli begona o‘tlarga qarshi samaradorligi

GERBITSIDLAR (lot. herba – o‘t, o‘simlik va caedo — o‘ldiraman) — begona o‘tlarni yo‘qotishda qo‘llaniladigan kimyoviy moddalar. Qishloq xo‘jaligida dala, bedazor, bog‘ va tokzorlar, o‘tloqlardagi, yo‘l yoqalaridagi begona o‘tlarga qarshi qo‘llaniladi. Gerbitsidlarning bir necha xil preparat ko‘rinishlari mavjud: suvda eriydigan kukunlar (dalapon va b.), suv bilan aralashib suspenziya hosil qiluvchi kukunlar (Paxton, kotoran, kotofor, prometrin, gezagard, atrazin, agelon va b.), suv bilan aralashib emulsiya hosil qiluvchi konsentratlar (treflan, dual, banol va b.) va boshqalar