“Qirq qizlar” hovlisidagi hasratlar ifodasi (“Mehrobdan chayon” romani misolida)

Abdulla Qodiriy ellik yetti faslli “Mehrobdan chayon” romanining har bir faslini o‘zgacha mahorat, jasorat va albatta o‘z halqiga qolaversa, kelajak avlodga yetkazishni niyat qilib, xonlik davri voqealarini bir –biridan mazmunli nomlagan fasllari orqali yetkazib berishni o‘z oldiga maqsad qilgan desak xato bo‘lmas. Fasllarni o‘qir ekansiz, voqealar rivojida og‘ir o‘yga, tushkunlikka, turli - tuman hasratlarning turfa xil ifodasiga, hasratlarni berkitish uchungina ishlatilgan hazillarni, turfa xarakterlarni, adolatni suyuvchi, aksincha adolat desa “nima u” deydigan din peshvolarini, asosiysi asarda yuz berayotgan voqealarning aniq sodir bo‘lganligiga shubha qoldirmaydigan bir-biridan qiziqarli va oqu-qorani ajratishga ko‘maklashuvchi voqealar bilan tanishasiz. Bir fasllar bor, faqat qayg‘u hukmronlik qiladi, yana birlari bor kayfiyatni chog‘laydi. Ammo romanda bir faslning o‘zida ham hasrat hamda hasrat berkitib turuvchi hazillarni o‘z ichiga olgan fasl bu “Qirq qizlar” faslidir