Xomiladorlikning erta muddatlarida qayt qilish muammolari va ularni yechish yo‘llari

Xomiladorlikning erta muddatida kuzatiladigan ko‘ngil aynishi va qayt qilish homilador ayolning hayot sifatiga ta’sir qilibgina qolmay balki xomilaga ham salbiy ta’sir ko‘rsatadi. Homiladorlikning birinchi yarmida ko‘ngil aynishi va qusish 60- 80% ayollarda kuzatilib, oxirgi hayzdan 4-7 haftalar oralig’ida kuzatila boshlaydi.Homiladorlikning 8-12 haftalar orasi esa ushbu simptomlarning eng yuqori uchrash chastotasi hisoblanadi. [12] 15-30% homiladorlar ayollarda bu simptomlar 20- gestatsion haftadan keyin ham hatto homiladorlik oxirigicha ham davom etadi.hh HKQ “ertalabki qayt qilish” deb ham ataladi, ammo 1,8% homiladorlarda ko‘ngil aynishi ertalab kuzatilib, 80% homiladorlar esa kun davomida ko‘ngil aynishi kuzatilishi aniqlangan.[17]Agar ayol davo olmasa, bu bevosita ayolning ovqatlanish odatlariga, uyqu tartibiga, kundalik faoliyatining samaradorligiga, hayot sifatiga va yaqinlari bilan munosabatlariga ta’sir ko‘rsatadi. Hyperemesis gravidarum homiladorlikda kuchli va to‘xtamas qusish bo‘lib, degidratatsiya, elektrik disbalans, jigar shikastlanishi, xomilada mumkin bo‘lgan asoratlar va o‘ta og’ir holatlarda onaning o‘limiga olib keladi. Bunday holat 1,1% ayollarda uchrab, kasalxonaga gospitalizatsiyani talab qiladi.[7] Einarson et al. o‘tkazgan meta analiz tadqiqod natijasiga ko‘ra HKQ 40% ayollarda yengil, 46% o‘rtacha og’irlikda, 14%i esa og’ir darajada o‘tadi. HG esa 1,1% ayollarda uchraydi. [18]