Surxondaryo viloyatida so’nggi yillardagi yer resurslaridan uy-joy qurilishida foydalanish hamda suv resurslaridan samarali foydalanish chora-tadbirlarining tahlili.

So’nggi bir necha o’n yilliklarda Surxondaryo viloyati aholisining soni jadal suratlarda oshib bormoqda va bugungi kunda butun Respublika miqyosida tug’ilish darajasi bo’yicha Statistika Qo’mitasining ma’lumotlariga ko’ra tug’ilish darajasi bo’yicha 2022-yil 1-yanvaridan 1-apreligacha bo’lgan davrda 18,421 ta tug’ilish holati bilan 5- o’rinni egallayapti. Aholi sonining oshishi munosabati bilan butun Surxondaryo viloyati miqyosida aholini uy-joy bilan ta’minlash maqsadida jadal sur’atlarda uy-joylar qurilmoqda. Birgina 2016-2020 yillar oralig’ida Surxondaryo viloyati miqyosida uy-joylar qurilishi 1,6 barobarga ortdi, ya’ni 2020-yilda Surxondaryo viloyatida uy-joylar soni 475 mingtani tashkil etgan bo’lsa, 2016-yilda uy-joylar soni 301,083 ta bo’lgan.