Kashtachilik san’atining zamonaviy talqini: Estetik meros va dizayndagi interpretatsiya yondashuvlariSevinchXoʻjamurodovaauthorUshbu maqolada O‘zbekistonning boy kashtachilik merosi zamonaviy dizayn yondashuvlari bilan uyg‘unlashgan holda tahlil qilinadi. Kashtachilik san’ati xalqning estetik didi, madaniy qadriyatlari va tarixiy tafakkurining betakror aksidir. Bugungi globallashuv va kreativ dizaynlar davrida milliy kashta naqshlarining stilizatsiyasi, interpretatsiyasi va raqamli modellashtirish orqali qayta talqin qilinishi yangi estetik shakllarni yuzaga keltirmoqda. Maqolada Buxoro, Toshkent, Farg‘ona maktablariga xos naqsh tizimlari, ranglar uyg‘unligi va texnik yondashuvlar ko‘rib chiqilib, ularning zamonaviy moda sanoatidagi ifodasi va ahamiyati ochib beriladi. Xalqaro tajriba misolida Hindiston, Marokash, Meksika kabi mamlakatlarda milliy naqshlar orqali dizayn brendlari yaratilayotgani qayd etiladi. O‘zbekistonlik yosh dizaynerlar tomonidan milliy kashtalarni liboslar, aksessuarlar, grafik printlar va raqamli loyihalarda kreativ talqin qilinishi o‘zbek dizayn maktabining shakllanayotganini anglatadi. Shaxsiy nuqtai nazarga ko‘ra, kashtachilik san’atining zamonaviy talqini madaniy identitetni asrash bilan birga, uni global madaniyat doirasida tanitish vositasidir. Naqshlar – bu oddiy bezak emas, balki xalq ruhining timsoli bo‘lib, ularni zamon ruhiga mos interpretatsiya qilish dizaynerlik mas’uliyatini, estetik qarash va tarixiy xotirani uyg‘unlashtirishni talab etadi.2025-07-10Research Science and Innovation HouseMaqola