OZIQ-OVQAT XAVFSIZLIGINI TA’MINLASHDA RAQAMLI MONITORING, LOGISTIKA VA AGROSANOAT QIYMAT ZANJIRLARINI TAKOMILLASHTIRISH MEXANIZMLARIMelimurotov FeruzXolmurotovichauthorTursunov BobirOrtikmirzayevichauthorMazkur maqolada O‘zbekistonda oziq-ovqat xavfsizligini ta’minlashda raqamli monitoring, logistika infratuzilmasi va agrosanoat qiymat zanjirlarini takomillashtirish mexanizmlari ilmiy jihatdan tahlil qilinadi. Tadqiqotda oziq-ovqat xavfsizligi faqat mahsulot yetishtirish hajmi bilan emas, balki ishlab chiqarishdan iste’molgacha bo‘lgan barcha jarayonlarning uzviyligi, shaffofligi va boshqaruvchanligi bilan bog‘liq tizim sifatida talqin etiladi. Mavzuning dolzarbligi aholi sonining o‘sishi, oziq-ovqat mahsulotlariga talabning ortishi, iqlim o‘zgarishi, transport va saqlash xarajatlari, mavsumiy narx tebranishlari, import va eksport oqimlaridagi noaniqliklar, mahsulot sifati va xavfsizligini nazorat qilish zarurati bilan belgilanadi. Maqolada O‘zbekiston Respublikasining oziq-ovqat xavfsizligi va sog‘lom ovqatlanishni ta’minlashning 2030-yilgacha mo‘ljallangan strategiyasida belgilangan vazifalar, jumladan idoralararo Milliy axborot platformasi, BI deshbord, zaxiralar bazasi, eksport-import ma’lumotlarini integratsiya qilish va oziq-ovqat xavfsizligi monitoring indikatorlarini elektron shaklda yuritish kabi masalalar tahlilga tortiladi. Tadqiqot natijalariga ko‘ra, oziq-ovqat xavfsizligini mustahkamlash uchun raqamli ma’lumotlar bazasi, sovuq zanjir logistikasi, klasterlashgan qayta ishlash tizimi, mahsulot harakatini kuzatish, risklarni erta aniqlash va agrosanoat qiymat zanjirlarida ishtirokchilar manfaatini muvofiqlashtirish muhim ahamiyatga ega2026-05-11Research Science and Innovation HouseMaqola