Zardo‘zlik san’atining yosh avlod orasida davomiyligi: Madaniy merosning saqlanishi va innovatsion yondashuvlarSevinchXoʻjamurodovaauthorUshbu maqolada O‘zbekistonning milliy madaniy meroslaridan biri hisoblangan zardo‘zlik san’atining yosh avlod orasida saqlanishi, davomiyligi va rivojlanish masalalari innovatsion yondashuvlar nuqtai nazaridan o‘rganiladi. Asrlar davomida xalq estetikasi, ruhiyati va ijtimoiy tuzumiga mos holda shakllangan zardo‘zlik san’ati hozirgi globallashuv davrida ham o‘z dolzarbligini yo‘qotmayapti. Tadqiqotda zardo‘zlik maktablarining an’anaviy texnikalari, naqshlar semantikasi va ularning zamonaviy dizayndagi talqinlari tahlil qilingan. Maqolada davlat dasturlari, madaniy markazlar va o‘quv kurslarining yoshlar orasida zardo‘zlikka qiziqishni oshirishdagi roli, shuningdek, raqamli texnologiyalar, onlayn ustaxonalar va kreativ dizayn platformalarining bu san’atni zamon bilan uyg‘unlashtirishdagi ahamiyati ko‘rsatilgan. Xalqaro tajribalar bilan solishtirgan holda, O‘zbekistonda zardo‘zlikni intellektual mulk sifatida ro‘yxatga olish va brendga aylantirish istiqbollari yoritiladi. Shaxsiy nuqtai nazarga ko‘ra, zardo‘zlik san’atini saqlash va rivojlantirish — bu faqatgina amaliy hunarni saqlash emas, balki xalqning madaniy o‘zligini anglash, estetik merosini avloddan-avlodga yetkazish va uni global dizayn tili orqali dunyoga tanitish vositasidir. Aynan yoshlarning ushbu san’atga kreativ va innovatsion yondashuvi uning barqaror kelajagini ta’minlaydi.2025-07-13Research Science and Innovation HouseMaqola