DEPRESSIV HOLATLARNING YURAK-QON TOMIR KASALLIKLARI BILAN O‘ZARO BOG‘LIQLIGIZebinisoAlimovaauthorMaftunaAbduraupovaauthorOzodbekOdiljonovauthorUshbu maqolada depressiv holatlarning yurak-qon tomir kasalliklari bilan o‘zaro bog‘liqligi ilmiy-nazariy va klinik jihatdan tahlil qilinadi. Tadqiqotlar shuni ko‘rsatadiki, depressiya nafaqat ruhiy salomatlikka, balki somatik tizimlarga, xususan yurak-qon tomir tizimiga ham salbiy ta’sir ko‘rsatadi. Depressiv buzilishlar arterial gipertenziya, ishemik yurak kasalligi, miokard infarkti va insult rivojlanish xavfini oshiradi. Shuningdek, surunkali stress, vegetativ nerv tizimidagi disbalans, yallig‘lanish markerlarining ortishi hamda kortizol darajasining yuqoriligi yurak faoliyatiga salbiy ta’sir etuvchi omillar sifatida namoyon bo‘ladi. Maqolada psixoemotsional holatni barqarorlashtirish, erta diagnostika va kompleks profilaktika choralari yurak-qon tomir kasalliklarining oldini olishda muhim ahamiyat kasb etishi asoslab beriladi.2026-02-14South Aral Region Medical JournalMaqola