METHANOGEN BAKTERIYALAR FAOLLIGINI OSHIRISHDA BIOSTIMULYATORLARNING TA’SIRI

Mazkur maqolada mol go‘ngi asosidagi anaerob fermentatsiya jarayonida methanogen bakteriyalar faolligini oshirish uchun turli biostimulyatorlardan foydalanish imkoniyatlari o‘rganildi. Tadqiqot davomida Bacillus subtilis va achitqining alohida hamda kompleks qo‘llanilishining gaz hosil bo‘lish tezligi, fermentatsiya davomiyligi, pH muhiti va metan hosildorligiga ta’siri tahlil qilindi. Olingan natijalar shuni ko‘rsatdiki, biostimulyatorlardan kompleks foydalanish anaerob parchalanish jarayonini tezlashtirib, metan hosil bo‘lish samaradorligini oshiradi. Tadqiqot natijalari biogaz texnologiyalarini takomillashtirish hamda qishloq xo‘jaligi chiqindilaridan ekologik xavfsiz energiya manbai sifatida foydalanish imkoniyatlarini kengaytirishga xizmat qiladi [1,3].