RAQAMLI IQTISODIYOTNING NAZARIY VA AMALIY ASOSLARI

Ushbu maqolada raqamli iqtisodiyotning nazariy va amaliy asoslari, uning rivojlanishi va iqtisodiyotdagi o‘rni tahlil qilindi. Raqamli iqtisodiyot — bu axborot texnologiyalari va innovatsion yechimlar orqali iqtisodiy jarayonlarni avtomatlashtirish, resurslarni samarali boshqarish va global miqyosda integratsiyani kuchaytirishning yangi shakli sifatida ko‘rib chiqiladi. Maqolada raqamli iqtisodiyotning asosiy komponentlari, jumladan, sun’iy intellekt, big data, blokcheyn va IoT kabi texnologiyalar haqida so‘z yuritilgan. Shuningdek, raqamli iqtisodiyotning afzalliklari, masalan, samaradorlikni oshirish va yangi iqtisodiy shakllarni yaratish, hamda yuzaga kelayotgan muammolar, xususan, kiberxavfsizlik va raqamli bo‘linish kabi masalalar muhokama qilingan. Tadqiqotda davlat siyosati va iqtisodiyotni raqamlashtirishning ahamiyati ham ko‘rsatilgan. Maqola raqamli iqtisodiyotning rivojlanishini rag‘batlantirish uchun samarali strategiyalar ishlab chiqish zarurligini ta’kidlaydi.