Rasmiylashtirilmagan nikoh munosabatlarining psixologik va ijtimoiy mohiyati

Ushbu maqolada zamonaviy jamiyatda tobora ko‘payib borayotgan rasmiylashtirilmagan nikoh munosabatlarining psixologik va ijtimoiy mohiyati tahlil qilinadi. Shaxsiy erkinlikka intilish, oila institutiga nisbatan ishonchning pasayishi, iqtisodiy qiyinchiliklar hamda madaniy-axloqiy qadriyatlarning o‘zgarishi bunday munosabatlarning shakllanishiga olib keluvchi asosiy omillar sifatida ko‘rsatib o‘tilgan. Psixologik jihatdan bunday oilalarda emotsional beqarorlik, ishonchsizlik va xavfsizlikning yetishmasligi kabi holatlar kuzatiladi. Farzandlar tarbiyasida ota-onalik rollarining noaniqligi esa ularning ijtimoiy maqomi va ruhiy rivojlanishiga salbiy ta’sir ko‘rsatishi mumkin. Maqolada Erikson, Bovlbi va Maslou nazariyalari asosida rasmiy nikohsiz munosabatlarning psixososial oqibatlari yoritilgan. Shuningdek, sotsiologik yondashuvlar orqali bu jarayonning jamiyatdagi oila qadriyatlariga bo‘lgan ta’siri ham tahlil etilgan.