SAKUBITRIL/VALSARTANNING SURUNKALI YURAK YETISHMOVCHILIGIGA TA’SIRI

Gipertoniya kasalligi yer yuzida eng keng tarqalgan yurak- qon tomir kasalliklaridan biridir. So’nggi yillarda o’tkazilgan keng ko’lamli sorovlarga ko’ra, 50-59 yoshdagi odamlarda AG darajasi 44% hollarda, 60-69 yoshda 54%, 70 yoshdan oshgan odamlarda esa 65% hollarda oshgan. O’zbekistonda tegishli ko’rsatkichlar sezilarli darajada oshgan mamlakatlar qatorida kuzatilgan. 2010 yildan 2020 yilgacha yurak-qon tomir xavfi juda yuqori bo’lgan gipertoniya bilan kasallangan bemorlar soni 18,1%dan 57,8%ga ortgan, bunga asosiy sabab AG oqibatida surunkali yurak yetishmovchiligining rivojlanishidir. Ko’p markazli tadqiqotlar ma’lumotlariga ko’ra, yurak-qon tomir kasalliklaridan o’lim surunkali yurak yetishmovchiligi bo’lgan bemorlarda ikki barobarga ortadi. Oxirgi yillarda yurak yetishmovchiligi bilan asoratlangan yurak qon tomir tizimi kasalliklarini davolashda va ayniqisa, medikamentoz terapiyada dunyo bo’yicha birqancha katta ilmiy izlanishlar olib borildi va ushbu kasallikni davolashda yangi dori vositalari ishlab chiqildi. Bularning ichida eng e’tiborlisi Sakubitril/Valsartandir.