XALQARO BAHOLASH DASTURLARIDA TANQIDIY FIKRLASH VA FUNKSIONAL SAVODXONLIK BOG‘LIQLIGI

Ushbu maqolada xalqaro baholash dasturlarida tanqidiy fikrlash va funksional savodxonlik tushunchalari o‘rtasidagi uzviy bog‘liqlik va o‘zaro ta’sir tahlil qilinadi. Tadqiqot asosida PISA, PIRLS hamda TIMSS kabi xalqaro dasturlarning so‘nggi yillar natijalari ko‘rib chiqilib, o‘quvchilarning tanqidiy fikrlash salohiyati va funksional savodxonlik darajasi o‘rtasidagi korrelyatsion munosabatlar aniqlangan. Tadqiqot natijalari o‘quvchilarning tanqidiy fikrlash qobiliyatining rivojlanishi ularning kundalik hayotda va ta’lim jarayonida bilimlarni samarali qo‘llash ko‘nikmalarini oshirishga olib kelishini ko‘rsatadi. Maqolada shuningdek, O‘zbekiston ta’lim tizimida tanqidiy fikrlash va funksional savodxonlikni rivojlantirish borasida qabul qilingan davlat qarorlari, farmonlari va ularning ta’lim sifatiga ta’siri ham tahlil qilinadi. Tadqiqot natijalari milliy ta’lim tizimini xalqaro standartlarga moslashtirishda va o‘quvchilarni zamonaviy hayotga tayyorlashda muhim ilmiy-amaliy asos bo‘lib xizmat qiladi. Shu bilan birga, pedagogik jarayonda innovatsion metodlarni joriy etish, o‘qituvchilarning malakasini oshirish va o‘quvchilarni mustaqil tanqidiy fikrlashga rag‘batlantirish zarurati ta’kidlanadi.