USMON AZIM IJODIDA HAJV VA IJTIMOIY LIRIKANING UYG‘UNLIK TABIATI

Mazkur maqolada hajvning lirika shakli va ifoda vositasi sifatidagi tabiati, uning mumtoz adabiyotda asosan ijtimoiy mavzular uchun tasvir usuliga  aylanganligi hamda davr bilan bog‘liq tadqrijiy takomili masalalariga to‘xtalinadi. Xususan, adabiyotshunos Abdurashid Abdug‘afurov tadqiqotlarida Alisher Navoiy ijodidan boshlanganligi aytilgan satiraning hozirgi o‘zbek shoirlari ijodida zuhur topishi shoir Usmon Azim ijodiga mansub “Xullasi kalom”, “Bular – mollar”, “Sizga boladay qarayman”, “Yur”, “Dunyoni bo‘lib olish”, “Bir pastkashlikni ko‘rganda yozgan she’rim”, “Eramizdan avval qaysidir bir asrda boshlangan  voqea haqida ikki she’r”, “Birlashgan millatlar tashkilotiga maktub” kabi bir qator she’rlari tahlillari orqali ilmiy-nazariy jihatdan asoslanadi.