FARMAKOLOGIYA TA’LIMIDA SUN’IY INTELLEKT VA VIRTUAL BEMOR SIMULYATSIYASI: ISTIQBOLLAR VA ILMIY ASOSLAR

Toshkent davlat tibbiyot universiteti Termiz filiali, Termiz shahri, O‘zbekiston
Farmakologiya va klinik farmakologiya fanlari tibbiyot ta’limida eng murakkab yo‘nalishlardan hisoblanadi. Talabalardan dori vositalarining farmakokinetikasi va farmakodinamikasi haqidagi chuqur bilimlarni puxta o‘zlashtirish hamda tahliliy fikrlash ko‘nikmalariga ega bo‘lish talab etiladi. An’anaviy ta’lim usullari — ma’ruza va amaliy mashg‘ulotlar — nazariy bilimni shakllantiradi, biroq ularni klinik amaliyotga tadbiq etish, dorilar o‘zaro ta’sirini baholash va farmakoterapiya bo‘yicha mustaqil qaror qabul qilish malakasini yetarli darajada rivojlantira olmaydi. Shu sababli ta’lim jarayoniga zamonaviy axborot texnologiyalarini, xususan sun’iy intellekt (SI) va virtual bemor simulyatsiyasini integratsiya qilish dolzarb ilmiy-amaliy masala hisoblanadi.