BOSHLANG‘ICH SINF O‘QUVCHILARINING MANTIQIY TAFAKKURLARINI SHAKLLANTIRISHDA PSIXOLOGIK YONDASHUV

Ushbu maqolada tafakkur va tafakkur  shakllari haqida qisqacha ma’lumot  berilgan  hamda bir necha psixologlarning  fikrlari bayon etildi. Shuningdek, matematika  darslarida  boshlang‘ich sinf o‘quvchilarining  mantiqiy fikrlash  qobiliyatlarini o‘stirishda mantiqiy  masalalarni qo‘llash  orqali  bolalarning  mantiqiy  tafakkurini  shakllantirishga  doir  1-sinf matematika  darsidan 1 soatlik  dars ishlanma  ham  keltirilgan. Boshlang‘ich sinf o‘quvchilarining mantiqiy tafakkurlarini shakllantirish ta’lim jarayonining muhim komponentidir. Mantiqiy tafakkur nafaqat o‘quvchilarning bilimlarini kengaytirishga, balki ularni ongli ravishda fikrlashga, tahlil qilishga va mustaqil xulosa chiqarishga o‘rgatishga yordam beradi. Ushbu maqolada boshlang‘ich sinf o‘quvchilarining mantiqiy tafakkurlarini shakllantirishda psixologik yondashuvlar tahlil qilinadi. Psixologik yondashuvlar yordamida o‘quvchilarda mantiqiy fikrlashni rivojlantirishning usullari, metodlari va asosiy tamoyillari ko‘rib chiqiladi. Shuningdek, psixologik xususiyatlar va pedagogik yondashuvlar mantiqiy tafakkur shakllanishida qanday rol o‘ynashi tahlil qilinadi.