Қандли диабет билан оғриган беморларда оғиз бўшлиғи микрофлораси ўзгаришининг аҳамияти ва уни яхшилашнинг долзарблиги

Тақдим этилган ушбу мақолада қандли диабет касаллигида бутун организм даражасида бўлгани каби оғиз бўшлиғида юзага келадиган ўзгаришлар, қандли диабетнинг оғиз бўшлиғи микрофлорсига таъсири хусусида олиб борилган адабиётлар таҳлили натижалари баён қилинган. Шунингдек, оғиз бўшлиғи нормал микрофлораиси унинг инсон саломатлигига таъсири, микробиоценознинг бузилиш сабаблари ҳамда ҚД учун хос бўлган ҳолатлар хусусида муаллифлар фикрлари келтирилган. Шундай қилиб, оғиз бўшлиғи ўзига хос, мураккаб ва барқарор микробиоценоз бўлиб, микроорганизмларнинг ўсиши ва сақланиши учун жуда қулай муҳит ҳисобланади. Соғлом одамнинг организмида кўпроқ ёки камроқ миқдорда бўладиган микроорганизмлар унинг нормал микрофлорасини ҳосил қилади. ҚД касаллиги деярли бутун организмнинг, шу жумладан оғиз бўшлиғининг ҳолатига салбий таъсир кўрсатадиган касалликдир. ҚД учун оғизни тўғри парвариш қилиш алоҳида аҳамиятга эга, чунки қондаги қанд даражасини доимий меъёрда ушлаб тура олмалик туфайли диабет касаллигида оғиз касалликларини ривожланиш хавфи ортишига олиб келади.
ҚД да оғиз бўшлиғи микрофлорасини меъёрда бўлишини таъминлаш мақсадида гигиена қоидаларига риоя қилиш, ҚД жараёнини назорат қилиш, стоматологлар ва периодонтистлар томонидан ўз вақтида профилактик текширувлар олиб бориш, оғизни парвариш қилишда фойдаланиладиган маҳсулотларни танлашда эҳтиёткорлик билан қарор қабул қилиш тавсия қилинади.