SEPTOPLASTIKA JARROHLIK AMALIYOTIDAN SO‘NG BURUN BO‘SHLIG’I SHILLIQ QAVATINING MORFOFUNKSIONAL XUSUSIYATLARI

Asrlar davomida burun kasalliklarini tashxislash va davolash bilan bog’liq juda ko‘p amaliy va ilmiy izlanishlar bajarilgan. Shunga qaramay, bu muammo hozirgi kunda ham otorinolaringologiyaning dolzarb muammosi sifatida e’tirof etilmoqda. Buning asosiy sabablaridan biri sifatida ularni LOR-a’zolari kasalliklari orasida keng tarqalganligi, yo‘ldosh yoki xamrox kasalliklar ko‘rinishida organizmning boshqa tizim va a’zolarida turli patologik jarayonlarni kelib chiqishiga va kechishiga salbiy ta’sir etishidir. Burun kasalliklari ta’sirida organizmda yuzaga keladigan gipoksiya xolati, turli xil patologik reflekslarni shakillanishi eng ko‘p xolatda qon-tomir, nafas olish va asab tizimlari faoliyatiga salbiy ta’sir etishi juda ko‘p ilmiy izlanishlarda tasdiqlangan. Burunda nafas olishning uzoq muddatli buzilishi turli xil muammolarga olib keladi, shu jumladan surunkali rinitning turli shakllari, paranasal sinuslarning patologiyasi, eshitish naychasi va o'rta quloq, xalqum, xiqildoq va pastki nafas yo'llarining yallig'lanish kasalliklari, yurak-qon tomir tizimining funktsional holatiga salbiy ta'sir qiladi, nevrologik kasalliklarning kuchayishiga olib keladi