D1250-65 RUSUMLI NASOS KORPUSINING ISHCHI YUZALARI YEYILISH JARAYONINI TADQIQ QILISH VA QAYTA TIKLASH TEXNOLOGIYASINI TAKOMILLASHTIRISH BO‘YICHA TAVSIYALAR ISHLAB CHIQISH

Mazkur ilmiy maqolada D1250-65 rusumli nasos korpusining ishchi yuzalarida yuzaga keladigan yeyilish jarayonlari, ularning asosiy sabablari hamda ekspluatatsion sharoitlarning detalning xizmat muddatiga ta’siri tadqiq etilgan. Tadqiqot davomida nasos korpusining ishlash jarayonida abraziv zarrachalar, gidravlik bosim, kavitatsiya hodisasi va korroziy muhit ta’sirida yuzaga keladigan deformatsiya hamda yemirilish holatlari tahlil qilindi. Ishchi yuzalarning texnik holatini baholash asosida yeyilishning eng intensiv zonalari aniqlandi va ularni qayta tiklashning samarali texnologik usullari o‘rganildi. Maqolada metall qoplash, payvandlab tiklash, mexanik ishlov berish va himoya qoplamalaridan foydalanish orqali nasos korpusining xizmat muddatini uzaytirish imkoniyatlari yoritilgan. Shuningdek, qayta tiklash texnologiyalarini takomillashtirish orqali energiya sarfini kamaytirish, jihozning ishonchliligini oshirish hamda ta’mirlash xarajatlarini qisqartirish bo‘yicha ilmiy-amaliy tavsiyalar ishlab chiqilgan. Tadqiqot natijalari sanoat korxonalarida foydalanilayotgan markazdan qochma nasoslarning ekspluatatsion samaradorligini oshirishda muhim ahamiyat kasb etadi.